Aizawl: Rural Development Minister Prof Lalnilawma’n phai atanga thlai lak luhte chu hlo tûr an hmang em tih endik hmasak a nih ngai loh thu a sawi.
MLA LADS fund hmanga sak, Keifang Leitan Bazar Shed chu Rural Development Minister Prof. Lalnilawma’n nimin khan a hawng.
Hawnna inkhawmah |awi bialtu MLA ni bawk chuan, phai atanga thlai lak luhte chu hlo tur an hmang em tih endik hmasak a ni ngai lo tih sawiin, Mizoram ngeia thar thlai te chu a hrisel zawk tih a sawi a, Loa thlai thar hrisel tak tak te mipui lei theiha pho chhuahna hmun tur Keifang Leitanin an nei tur chu a lawmpui thu a sawi.
Prof Lalnilawma chuan Keifang Leitan Bazar Shed chu midang tana malsawmna thlentu a nih ngei a beisei thu sawiin, a tangkai thei ang bera hman a nih theih nan a duhsakna a hlan nghal.
Keifang Leitan Bazar shed hawnna inkhawm hi H. Lalremsanga, Melveng Welfare-in a kai hruai a, Keifang Leitan VCP Lalbiakthanga leh Leitan VC member & Melveng welfare member CVL Ramnghaka te’n thu an sawi bawk.