Aizawl: Health Minister Lalrinpuii’n Women’s Polytechnic Aizawla zirlai lut tharte lawmna, Freshers’ Social chu Women’s Polytechnic Aizawl Multipurpose Hall-ah khuallian niin nimin khan a hmanpui.
Lalrinpuii chuan zirlai lut tharte chu duhsakna hlanin, zirlaite tan Women’s Polytechnic chu hmasawnna bultanna a nih ngei a beisei thu a sawi a. Zirlai kalkhawmte chuan an zirlai chu eizawnna tlaka hmang thei turin an thiam a pawimawh thu a sawi a. Ruihhlo leh HIV laka fihlima chhungkua leh khawtlang tan mi tangkai leh rintlak ni turin a chah.
Women’s Polytechnic atanga zirchhuakten eizawnna mumal an nei zel chu lawmawm a tih thu sawiin social welfare minister chuan, an zirna a that zia a ti lang, a ti a. Khawvel hi a chak apiang emaw a fing apiang hlawhtlinna ni lovin, hun inher danglam zel mila inherrem thiamte dinchhuahna a ni tih a sawi a. Women’s Polytechnic pawh tunlai thiamna leh mamawh mila course-te kalpui zel turin leh, ram leh hnam tana mi puitling chherchhuaktu ni turin duhsakna a hlan.
Zirlai lut tharte lawmna inkhawm hi Principal Er. B. Lalhmuakluaia chuan a kaihruai a ni.