Aizawl: Art & Culture Minister C Lalsawivunga’n nimin khan Tiranga Mahotsav – Tiranga Mela leh Tiranga Concert a hawng.
Har Ghar Tiranga pualin nimin khan Mizoram hmun hrang hrangah hnam puanzar ngaihhlut inzirtirna puala hun hman a ni. Hemi puala hun hmanna pui ber Vana pa Hall, Aizawla neihah Art & Culture Minister C Lalsawivunga chuan, India flag hnuaiah hnam hrang hrang leh tawng hrang hrangte huang khatah an luanza thu sawiin, India Flag Tricolour-in a entir, impumkhatna chu vawng nung theuh tur leh he hmalakna thlawpa ram leh hnam tana intlukluhna thinglung nei deuh deuh turin kalkhawmte a chah.
Har Ghar Tiranga – Hnam puanzar ngaihhhlut inzirtirna pualin, Vanapa Hall kawtah hnam puanzar zawrh chhuah a ni.
Sorkar laipui Ministry of Culture thuchhuak angin India ramin kum 75 zallenna a neih hriatrengna pualin, kum 2022 atang khan Har Ghar Tiranga programme hi hman tan a ni a. India rama hnam hrang hrangte chu, hnam puanzar hnuaiah zai khatah an luangza a ni tih lantir nan, hnam puanzar chawisang tur leh in-tina hnam puanzar zar tura hmalakna a ni a, chi tin leh hnam tinte inkara inpumkhatna tha a awm theihna tura hmalakna a ni.