Zaithiam Dua Lipa chuan a bialpa Callum Turner nen an inhmangaihna a ngheh thu a sawi a, an hlim dun thu leh nitin a ngheh deuh deuh thu a sawi.
Tun hnaia company pakhat tana a inlannaah a kawppui chungchang hi zawh niin, Dua Lipa chuan an professional ve veah an inzahtawn thu sawiin, an nun chu nitin hlim taka an hman dun thu a sawi a, an inhmangaihna chuan par a chhuak mek niin a sawi bawk.
Kum 35 mi Turner nena an inkar chungchang chu nitin hlimna a nih chhoh zel thu Dua Lipa chuan a sawi a, mipui hmuha an inlan dun vak loh chhan pawh an privacy an inzahtawnsak vang a nih thu thlengin a sawi a ni.
Kum 29 mi zaithiam leh Turner te inkar hi January 2024 atanga richhuak tan niin, hun rei fe chhung chu vantlang hriat loh turin an inthup ve a, tunah erawh Lipa chuan, “Kan inkar maw…a nghet a, hringnun hi a mawi mek asin,” a ti.