Inkalpawhna kawngpui a chhiat avangin nitin mamawh a la thleng tak tak thei lo a, sumdawng tam takin harsatna an la tawk reng.
Ruahtui a tlak hlek chuan tlan a harsa zui zel a, sorkar in a thawm that kha eng ruai a nih loh thu lirtheia eizawngte chuan an sawi.
Heti tak maia kan kawngpuiten siamthat an tawh hleih theih loh lai hian sorkar lah chuan insawithiamna tur an zawng reng a, a taka thawh tak tak an nei bawk si lo. A manganthlak hle.
Nitin mamawh hrang hrang a thlen that loh miau avang hian sumdawngte leh chhungkaw tinin harsatna kan la tawk rih zel dawnin a lang a, mipui hi kan fel a, kan phun lo zawk ngawt thin mai.
Kawng hi siam reng a, vil reng a ni chung hian a la tha tak tak thei lo a. Lirthei an tlan reng lo thei bawk si lo. Sorkar hian a tih dan tur kawng tha deuh hi a hre lo ni ber hian a lang ta.
Central lam atangin kawngpui siamna tur hmuh a nih thute han hre ve bawk mah ila, a tak taka bawhzuina leh hmalak nghalna hi a awm tak tak lem lo ni ber hian a lang a, sorkar chak loh rah a ni ber tawhin a hriat e.
Kan kawngpuite hian duat an phu a, siamthat an hun bawk a. Tlo tura siam ngat phei hi chu phu tawh tak a va ni em.