Melham Reality buatsaih Apex Bank Mizoram Children’s Talent Show Grand Finale chu zirtawpni zan khan Vaivakawn Cultural Center-ah neih niin, top-5 a mi pariat awmten intihsiakna an nei a, result puan nghal a ni.
September ni 5 zan khan top-5 a tlingte hian intihsiakna lo nei tawhin, a tum hnih nan grand finale zanah hian intihsiakna an nei leh a, result puan leh lawmman an sem nghal.
Children’s Talent Show-ah hian Elisha Lalramdina, Durtlang Leitan chu pakhatna niin, RK Lalthazuali chu pahnihna a ni a, Vanlalmalsawmdawnga (MSDA) chu pathumna a ni bawk.
Pakhatna hian Rs 1,00,000, TV lian leh tropy dawngin, pahnihnain Rs 50,000 leh trophy, pathumnain Rs 20,000 leh trophy an dawng bawk.
Top-10 a tling zawng zawngte chu lawmpuina memento leh thilpek chi hrang hrang pek an ni bawk a ni.