Fiorentina in huntawp dawnah anmahni lama an tih goal palh an tuar a. Juventus lakah 1-0 a tlawmin an khingpui in Coppa Italia semi-final first leg-ah hnehna an chang.
Stadio Artemio Franchi-ah inkhel \an hma in Juventus striker Dusan Vlahovic chuan boruak a luah a. Serbia striker hi January thla a Juventus in Fiorentina a\anga an lei hnua a club hlui laka a inkhelh hmasak ber a ni dawn.
Vlahovic hi Fiorentina fans ten an ‘boo’ khum nasa a, khelmual chhungah a che langsar lem lo.
Mualneitu lam in first half-ah chance an nei \ha zawk a, Jonathan Ikone hmangin goal an khung teuh a, second half-ah pawh Ikone bawkin goal ban a pet per.
Fiorentina goalkeeper Pietro Terracciano chuan Vlahovic-a goal khung tur a dansak ve thung a. Draw result an nei dawn nia a lan hnuah Juan Cuadrado ball cross chuan Lorenzo Venuti a per a, ball hi goal-ah per lutin Juventus a vannei zawkah an \ang.
Juventus coach Massimiliano Allegri chuan inkhel zawhah, “Florence a hnehna chan hi thil awlsam a ni lova, player chhawr theih loh kan ngah avangin a awlsam lo lehzual. Kan chak theih avangin kan rilru a fim a, talbuai hauh lovin kan inkhel thei tih kan lantir.” a ti a.
“Kan team hian zawi zawiin hma a sawn a, team angin inrintawkna kan neih belh telh telh bawk.” a ti bawk.
Striker Vlahovic chungchang sawi bawkin hmasawn a ngai tih a sawi nawn a. “Kan team khelhdan a man chhoh zel a pawimawh a, hma a sawn a ngai. Zaninah pawh a hma aiin midangte nen an inman tawh hle.” a ti.