Pakistani prime minister hlui, lung in tang mek, Imran Khan-a chu a hriselna a tha a; mahse, a hranga awmin a rilru lamah harsatna a nei niin a farnuin a sawi a, a chhungten an biakpawh theihna tur dal tlat niin a sawi.
Khan-a farnu pathum zinga pakhat, Uzma Khanum-i chuan Adiala Jail-ah hian a chhungte chauh hmuh phalsak an ni tih a sawi a, Pakistan Tehreek-e-Insaf (PTI) party miten a dinhmun chhe chunga man a nih duh lohna lantirin lung in pawnah an awm teuh niin a sawi.
Thuthar lakhawmtute hnenah a nutapa chu ‘hrisel hmel takin a lang’ tih a sawi a; mahse, hun rei tak a laina leh thawhpuite biak theih lohvin khung hran niin a sawi.
“A taksa chu a tha,” tiin doctor, Khanum-i chuan a sawi a. “Khung niin rei lo te chauh a chhuah phalsak a ni a, tumah biakpawh theih a nei lo,” a ti.
An hmuh pawhin kaihhruaina khauh tak hnuaia hmuh ngai leh mobile device awm lova hmuh ngai niin a sawi a, a bak a sawi duh lo.
Kum 73 mi, Khan-a hi kum 2018 leh 2022 inkar prime minister a ni a, August, 2023 atang khan ei rua puhna thubuaiah man niin thubuai dang dang nen a tang mek a, amah chuan politic thil vang niin a sawi.
PTI chuan court-in thu pek chhuah mah se tlawh theih hun siamsak thin chu chawlhkar eng emaw zat phal a ni tawh lo niin an awi a, hei hian a dinhmun leh a tanna sawn a ni dawn tih titi a titam hle.
Thuneitute chuan dik lo taka enkawl engmah a awm lo va, Khan-a hian mi tangte dawn tur ang a dawng vek niin an sawi a. Minister of State for Interior Talal Chaudhry-a chuan tlawh theih hun chu lung in thuneitute thu a ni a, sorkar thuneihna a ni lo tih a awi.
Kar hmasa khan Khan-a fapate zinga pakhat chuan chawlhkar thum chuang an bepawp theih tawh lo nia awiin a dinhmun dik tak pawh an hre lo niin Reuters a lo hrilh tawh.
A enkawltu tur bik doctor pek dan tur an dap tih sawiin kum khat chuang enkawl a ni tawh lo niin a sawi.
Pakistan-a Human Rights Commission pawhin Khan-a lung in tan dan dinhmun an sawi dan leh a chhungte pawhin an tlawh theih loh dan chu ngaihven ngai a nih thu X-ah a lo tar lang tawh.