AZL: Mizo Diaspora Cell (MDC) chuan ram pawna Mizote buaina tawh thinna tam tak chu passport lem hmanga Myanmar kaltlanga ram danga dan lova hna thawka kal te an nih thu an sawi.
MDC Chairman Vanlaldina Fanai, Commissioner & Secretary hova tun hnaia an thutkhawmnaah he thu hi tarlan a ni a. Ram pawna thubuai langsar zualte chu Dubai, Maldives, Nepal, China, Malaysia-ah te a thlen thu sawi lan a ni.
Hei vang hian MDC chuan Mizoram atanga hnathawk tur emaw, sumdawng turte emaw, chuan India dan leh an tlawh tur ram dante tha taka turin a ngen thar leh tih an sawi a. Tanpui ngaiten awlsam taka thu an thlenna tur te, an thu thlente rang zawka dawnsawn theihna tur te leh ram danga thawk turte tih tur leh tih loh tur te leh thil tangkai dang inzirtir nan social media platform hman uar an rel a ni.
Mizo Diaspora Hub-ah hian hmun hrang hranga Mizo Welfare Association 40 an inziak lut tawh a, an zinga pahnih chu India ram pawna mi an ni.