Lemchan thiam chuai thei lo Kate Winslet chuan hollywood huangchhung mai ni lo, khawthlang mite nuna damdawi lam hman nasat lutukna chu a vei hle tia sawiin, buaipui a ngaih tak zet tawh thu a sawichhuak.
Kum 50 mi ni tawh mahse vawiin thlengin Kate-i hi a la nalh reng a, damdawi hmang tlem thei ang bera a taksa a vawn uluk thin thu leh hei hi a ngaih pawimawh a la nih reng thu a sawi.
Tun hnaia an kawmna pakhatah he thil hi sawichhuakin, tam tak chuan mi hmaa lan mawi nan leh media an hmachhawnna kawngah damdawi eng eng emaw an hmang thin hi pawi ka ti a, an rihna tihhniamna tur thlenga damdawi an hmang thin hi veiawm ka ti hle, mahnia taksa inlak fit tumna tlahniam zel hi ka vei tak zet a ni, tiin Winslet chuan a sawi a ni.
Mi zawng zawng hian hmeltha hmuh hi nuam an ti a, kum 70 chuang thlenga la lang mawi rengte hi hmuh pawh an nuam ka ti ve thin. Mahse, damdawi leh taksa tih mawina dang hi hmang lo zel thei ila ka duhthusam chu a la ni reng, hemi kawnga inzirtirna neih uar zel hi ka la support reng a ti zui bawk.