Season thar a Premier League khelh ngei tum Fulam chuan EFL Championship a hma an hruaina chu an tipung zel a. Swansea lakah goal nga khung a hnehna changin point 14 in an sang.
Swansea.com Stadium ah mualneitu lamin bul an \an \ha a, first half-ah team pahnih an inkhel tawk hle. Nimahsela halftime dawnah Ryan Manning chu Harry Wilson laka a foul avangin hnawhchhuah a ni a. Hei hian inkhel a thlak danglam.
Second half \an a\anga second 14 lekah Fulham an che fuh a, Aleksandar Mitrovic chuan goal a khung.
Ben Cabango own goal neih belh bawkin Bobby Decordova-Reid chuan Fulham goal tumna a khung a, Neco Williams chuan goal hnih dang a khung leh a. Swansea tan Joel Piroe chuan goal khat a khung ve bawk.
Fulham hi Championship-ah an che \ha fal hle a, game 35 a\ang goal 89 an khung tawh a, an striker Mitrovic hian match 33 a\angin goal 35 a khung tawh thung. Inkhel dangah Bournemouth leh Peterborough United an inhnehtawk avangin Cottagers dinhmun a \ha leh zual.