Goal hma a an fuh loh zanah Liverpool in thawh khatna a an dinhmun \ha chu an dampui a. Italy champion Inter Milan lakah an mualah tlawm mahse 2-1 aggregate in an tling a, UEFA Champions League quarter-final an lut.
Anfield-ah hian Inter Milan in Lautaro Martinez goal khung mawi tak hmangin hnehna an chang a. Mahse first leg a Roberto Firmino leh Mohamed Salah te goal khung chu an nawtreh zo lo.
Martinez hian minute 61-naah Liverpool goal veng Alisson-a tana dan ngaihna awm lovin yard 20 a\ang kawh tak maiin a pet lut.
Nerazzurri phurna erawh a rei lova, Inter forward Alexis Sanchez chu minute 63-naah a yellow card vawi hnihna a hmuh avangin hnawhchhuah a ni a. Tlem zawk chungin Inter Milan tan goal khung belh a harsa.
Reds an lawm ang
Liverpool in goal ban vawi thum an tihper a, inkhel boruak a sang bawk a, player paruk in yellow card an hmu.
Joel Matip-a’n goal bar a tauh per a, Mo Salah-a’n goal ban vawi hnih a tih per ve bawk.
Liverpool hi March 7, 2021 a Fulham laka an mual a an tlawm hnuah inelna hrang hrangah an mual a an tlawm leh hmasak ber a ni a. Thawhlehni zan hma in Anfield-ah vawi 28 inkhelin vawi 21 an chak bakah vawi sarih draw result an nei a.
Inter Milan hi kum 1965 hnua Liverpool laka an chak hmasa ber a ni bawk.
Liverpool manager Jurgen Klopp chuan, “Football-ah hian kan tlawm dawn pawhin tlawm a pawi lohna inkhel a awm ve \hin. Mahse hei vang hian tlawm hi a nuam e tihna a ni hauh lo.”
“Round dawt leh luh hi kan tum ber a nih avangin kan tlawm dawn a nih he inkhelah hian kan tlak phahna ni si lova kan tlawm hi a pawm theih. Ka hlim e tihna a ni hauh lo, kan tlin avangin ka lawm thung. A chhan chu kan intum dawn tih kan hriatin a hautak turzia kan hre nghal.” a ti.