Assam Rifles ram hluia sorkarin thing a kih mek chu Gauhati High Court-ah PIL a luh avangin court chuan Thawhtanni khan thupek chhuahin tawp lailawk turin a hriattir.
Petition thehluttu tar lan danin AR ram hluiah hian thing upa tawh tak tak, kum 100 chuanga upa tawhte an awm a. Sorkarin kawngpui metre 14 thlenga tihzauh a tum avangin thingkung 174 chu kih tura tih an ni.
Centre for Environment & Social Justice (CESJ) aiawhah petition thehluttu, Saizampuii Sailo chuan chanchinbu thenkhat ziah dan a behchhana a, helai hmunah hian thing 400 chuang a awm a. Aizawl khawpui tan an tangkai avangin sorkar chuan an kih chhan a sawi fiah tawk loh bakah Aizawl khawpui tan a tha dawn lo niin a ngai bawk a ni.
Court chuan sawi buaitu a awm avangin thing kih hna chu chawl turin thupek a chhuah ta a ni.