Aizawl: Deputy chief minister-ah dah a nih thu tun hnaia social media-a thehdarh a nih chungchangah amah, BJP State President Dr K Beichhua, MLA chuan a hriatpui loh thu a sawi.
Dr K Beichhua chuan a chungchang thu an ziah chu a hriatpui loh thu sawiin, tute emaw politics-a inpuhmawhna dik lo leh tha lo tak a ni tih a sawi a. AMC inthlan vote thlak dawna hetiang thu belhchian dawl lo hmanga thu theh darh a ni hi pawi a tih thu sawiin, ramhlui zia politics tun thlenga an la chhawm nung fo hi a zahthlak hle nia a hriat thu a sawi.
Siaha bialtu MLA chuan politics an awm chhan dik tak ram, hnam leh sakhua a him a, mi rethei hnen thleng phak hmasawnna thlentir hi an thupui ni se, dawt hmanga inbeihna hi a tlo lo tih hriaa Kristiante tiha mawi awm renga politics tak tak khel ve turin party tinte leh mipuite a ngen tih a sawi.