Indian lemchan thiam Ameesha Patel chuan Dubai airport-ah lungngai leh rilru baihvai taka a awm thu sawiin, a X account lamah hei hi a tarlang.
X lama a sawi danin, Ameesha hi New York atanga Mumbai pan niin, an thlawhna hi Dubai lamah tum hmasa phawt a ni a, heta an awm lai hian khawthlang ram indonaa buai mek karah UAE chu missile hmanga beih a nih thu an dawn avanga an thlawhna pawh tikhawtlai an nih thu a ziak tel.
Mumbai a ngaih tawh tak zet thu sawiin, a team te nen chuan darkar 24 an nghah tawh thu Ameesha chuan a sawi a, nimin zing thleng khan an awm dan tur a la hriat loh thu sawiin, airport-ah an nghah tawp thu sawiin, rilru baihvai taka hun a hman mek thu a sawi a ni.
‘Kaha Naa Pyaar Hai’ star hian ninawm a tih tawh thu leh, an awm dan tur engmah a hriat loh thu a sawi bakah, indona chu reh tawh se, ralmuanga awm a a duh tawh thu X lamah chuan a ziak tel bawk.