Aizawl: Meghalaya sorkar chuan kumin March 9-a Garo Hills Autonomous District Council (GHADC) inthlan tura hming pek luh (nomination) chungchanga buaina chhuak leh tharum thawhna thleng chhui turin Justice Vaiphei Commission a din.
Garo Hills-a mipui lungrual lohna leh tharum thawhna avanga nunna chan leh sorkar leh mi mal thil tam tak tihchhiat a nih hnuah, sorkar chuan thil thlen dan dik tak chhui a ngai tih a pawm a. Hei vang hian ‘Commission of Inquiry Act, 1952’ tlawhchhanin Meghalaya Larsap chuan Commission of Inquiry dinin, Chairman atan Justice (Retd.) T. Vaiphei chu a ruat a ni.
He Commission hian thil thlen dan an chhui chhuahna leh rawtna te chu hriattirna (notification) tihchhuah a nih atanga thla ruk chhungin state sorkar hnenah theh lut hman turin a ti a ni.