A boral atanga thla reivak lo hnuah Bollywood lalpa tia mi tam takin an sawi Dharmendra chu India civil mite chawimawina sang ber dawttu Padma Vibhusan, 2026 dawng tura thlan a ni.
Dharmendra hian kum tam tak chhung Indian cinema-ah rorela, a thawhhlawk bawk em avangin he chawimawina hi a dawng a, nimin khan President Droupadi Murmu chuan a nupui Hema Malini hnenah a hlan.
Nikum November-a boralta Dharmendra hian chawimawina sang a dawng dawn tih an hriat rual hian an lawm thu leh an hlim tak zet thu a nupui Hema Malini chuan sawiin, a dawnna hmunah pawh hian a fapate Sunny leh Bobby te chhungkua chuan telpui ngei an tum thu a sawi nghal, a ti.
Kum 89 mi niin Dharmendra hi a boral a, a boral thuthang avang hian amah ngaisangtu tam tak an tap a, an in leh a vel ven ngai khawpin mipui an pungkhawm a, prime minister Modi-a pawhin a ui thu sawichhuak hial a ni.