One Direction a bandmate Liam Payne hriatrengna leh atana a hla phuah chu Niall Horan-a’n kartawp khan tichhuakin, a hla thar chuan fans te mittui a kochhuak thar nasa hle.
October 2024 a kum 31 nia boralta Liam Payne nen hian an inngainain, band anga an kalho la pawhin an inkawmngeih hle a, a album thar turah a thianpa tana a hla phuah hi dahin, ‘End of an Era’ tiin Niall Horan chuan Payne tana a single chu a tichhuak a ni.
Niall Horan hian a album thar tur ‘Dinner Party’ chu buaipui mekin, June ni 5 hian tihchhuah a tum a, hemi album-ah hian a thianpa tana a hla phuah pawh hi dah telin, ‘End of an Era’ chu a hla ngaihhlut ber a nih thu a sawi.
Kartawpa a single a tihchhuah hnu lawk hian Horan chuan, Liam chu a ngaih thin thu leh, a hriatrengna luahtu a la nih reng thu sawiin, kum naupangte an nih lai atanga inzui leh, lungngaih leh lawm lai hunte inhriatpui thin an nih avangin an band ho kha chhungkua ang mai an nih thu a sawi bawk.
‘End of an Era’ ah hian a hla pumpui hi Liam Payne hriatrengna leh ngaihna lam hawi vek a ni a, fans tam tak mittui titla thartu niin, Horan ngei pawh hian a ngaihhlut thu a sawi zui nasa hle.