Aizawl: UD&PA Minister K Sapdanga’n Aizawl khawpui him nan kum 2028-ah ZPM an sorkar leh a ngaih thu a sawi.
Thawhtannia ZPM party-in an pisa-a chhung inkhawmah UD&PA department hmalakna sawiin department changtu Minister K Sapdanga chuan Mission Urban Drain (MUD) kalpui turin consultancy firm ruaiin survey zawh tawh a nih thu a sawi a, MLA bial tin huamin hmun 44-ah hna thawh tum a nih thu a sawi a. Leimin leh mual tawlh laka khawpui chhanna atan Rs vbc 35 neiin bul tan mek a ni a, Zuangtui, |huampui, Sihpui ruam leh Venghlui mual te focus hmasak a nih tur thu a sawi.
Project inthuah loh nan Aizawl khawpui drain map siam a nih tur thu sawiin tuiluankawr chung khuhin, a theihna apiangah lirthei tlan theih leh step-te siam a ni dawn tih sawiin, “He hna hi kum 2033-ah zawh vek kan beisei a. Khawpui him nan kum 2028-ah kan sorkar leh a ngai,” K Sapdanga’n a ti.
Home Minister ni bawk K. Sapdanga chuan sorkarin chhiatrupna thil leh tharum thawh laka mipui himna a ngaih pawimawh avangin, kum hmasaa fair taka an lo tih tawh ang bawkin, kuminah pawh Police tiang keng chi (MRP) 150 leh silai keng chi 200, a vaiin mi 350 lak leh an tum tih a sawi a. Exam zawhna hi MPSC-in siamin a endik leh dawn a, tlinna atana saptawng thiam kawngro suttir lutuk kha a awm tawh dawn lo tih a sawi.
Mizoram Home Guard (MRHG) mi 94 lakna tur advertisement pawh tihchhuah tawh niin, hmeichhe quota a khah tawh avangin mipa tan chauh a ni rih ang a, dan angin kum thum atan lak an ni ang tiin, Home Minister chuan, “Heng hna zawng zawng hi Physical Efficiency Test leh Interview hmanga tluang leh fair taka lak a nih dawn avangin insawipui leh pressure hmanga tlin ngawt a harsa dawn a, duhsak zawng neite pawh exercise lak lo tanpui tur,” tiin, sorkar chuan heng mite hi VIP Guard leh tui tla chhan chena thawk thei tur mi chak leh discipline tha an nih a duh a, an training chhuah hnuah pawh institution zahawm tak ni turin Behaviour Training Centre-ah siam an tum tih a sawi bawk.