The Kelly Clarkson Show a chhuahsan a, a thianthaten a tawp mai hlauin an la kalpui chhunzawm zel a, amah ber chu May 27 khan inlanin, a tapchhuak hial.
American Idol hlui Clarkson hian Rita Wilson chuan kawmin, show a enkawl lai zawng zawng kha a hriatreng thin thu leh a ngaihhlut reng thu a sawi a, a tan chuan nitin zirlai tha tak petu a nih thu thlengin a sawi bawk.
Wilson chuan, hun rei tak chhung show a lokal tawh avanga lawmthu hrilhin, music hre mi leh helam kawnga tawnhriat ngah tak a nih bawk avangin a show chu a la tluang hle niin a sawi a, amah avanga a show ngaihhlut a la ni reng pawh chu lawmthu a hrilh bawk a ni.
Kum 44 mi zaithiam chu insum zo lovin, a tapchhuak hial a, a thiannu Wilson chu a show a la awih nunsak hram hram avanga lawmthu hrilhin, a tana chawimawitu ropui tak a nih thu a hrilh a ni.
Ziah tawh thin angin The Kelly Clarkson Show hi hun engemaw chen a kalpui hnuah chhungkaw lam a ngaihtuah avang leh a fate tana hun tam zawk hman a duh avangin Clarkson hian a chhuahsan tur thu hi a sawi a, hemi hnu hian a thiantha chuan tihtawp mai ngaingam lova la buaipui chhunzawm a, host hnate thawk chhunzawm lawp lawpin, a show tawp hun tur pawh hi hriat a ni ta rih lo a ni.