School Education Minister Dr. Vanlalthlana chuan, tunlai khawvelah zirna chuan ziak leh chhiar leh vawn ringawt a kawk tawh lo va, thil thar siam chhuah leh harsatna chin fel theihna a ni tawh zawk tih a sawi.
Zirtawpnia Govt. Model Comprehensive School, Model Veng, Aizawla ‘New Age Technology Skill Lab’ a hawnna inkhawmah Minister chuan, Mizoram sorkar leh Bharat Forge te thawhdunna kaltlanga Skill Lab tha tak din a ni chu lawmawm a tih thu sawiin, zirlaite’n an tangkaipui ngei a beisei thu a sawi a. He Skill Lab hian zirlaite zir dan phung nasa takin a thlak danglam dawn tih sawiin, zirlaite chu an thil hriat leh thiamte a taka chantir thei turin a chah bawk.
He Technology Lab hi Corporate Social Responsibility (CSR) kaltlanga din a ni a. Hemi hmunah hian software hmanga robot khawl chi hrang hrang, hnathawk thei tura design dan te zir a ni ang.
Hemi bakah hian industry lian tak taka khawl hmanga hna an thawh dan te leh, mamawh dan a zira khawl siam chhuah dan turte he skill lab atang hian zirlaiten an zir dawn a ni.