A buaithlak bawk a, hmangaihnain chuai lam a pan tawh miau chuan engkim hi kalsan a tul thin zawng a ni. Jennifer Lopez pawhin a pasal hlui Ben Affleck nena an hming a chhuttir tattoo chu a nawtreh leh ta.
Kum 56 mi ‘On the Floor’ satu hian a pasal hmasa Marc Anthony nen fa pahnih an neih hnua inthenin, hemi hnu hian a hmaa a kawppui Ben Affleck nen bawk an inzui chho leh a, an hlimnain par a chhuang chho mek emaw tih laiin thenzai an rel dun leh ta si.
An inzui leh zuai lai hian a nak nem laiah Lopez hian Ben Affleck nena an hming kaihtawi JB tih chu fei kawkalh karah chhukaiin, an inthen leh tak hnu chuan tih reh a ngai leh ta a ni.
An pahnih hian kum 2002 khan movie an siam laiin an intawng a, hemi kum vek November-ah inhualin, January 2004 khan thenzai an rel dun hmasa ta a ni.
An kawppui ve vete an then hnuah April 2021 khan inzui leh tanin, April 2022 ah a tumhnih nan an inhual leh a, January 2025 khan an inzawmna an tihchah thu an sawi zui leh ta bawk.