Thup rual a ni tawh lo. Kim Kardashian leh Lewis Hamilton te chu an inkar a tha chho zel a, vantlang hmaah pawh inthup ngai lovin an inzui chhuak ta fo mai.
An pahnih hian kawppuite then tawh ve ve niin, an inkungkaihna a nghet dun zel niin a lang a, June 1 khan Kardashian chuan a Instagram lamah hmun hrang hrangah an kalna thlalak chu post in, Hamilton nen an thlalak a tam hle.
A caption-ah chuan “Tun hnaiah” tih chauh dahin, hetah hian Hamilton nena an thlalak hrang hrang a tam bakah, Kardashian family thenkhatte nena an lakhona pawh a awm nual a, an thlalak hrang hrang atanga a lan danin an inhaw lo dun hle tih a chiang.
Thil hre ril zawkte sawi dan chuan, Kardashian leh Hamilton hi an induh tawn hle a, mahse hmalak nghal vut vut erawh an duh dan ni lovin, an hunawl neih apiang erawh a theih ang anga awm dun nana hman an duh thung a, Kim phei chuan Hamilton hi a atchilh bur bakah, a mizia hi a duh ngawih ngawih nia sawi a ni.
Kim hian a pasal hmasa Kanye West nen fa pali neiin, heng a fate pawh hi Hamilton chuan a hmangaihpuiin, a ngaihvenpui hle a, an pahniha an inhmuh dun apiang hian a fate hian an nel ve theih nan a tuemaw ber hi a hruai fo thin nia sawi a ni bawk.