Aizawl: Mizoram sorkara Excise & Narcotics Department chuan hriselna kaihhnawih vanga IMFL kawl leh zu in phalna ‘Red Card’ an pe chhuak dawn tih Thawhlehni khan thuchhuah an siam.
Mizoram sorkarin Section 45 B(1) of the Mizoram Liquor (Prohibition) Ammendment Act, 2025 tlawhchhanin phalna hi pek chhuah tur a ni a, hriselna kaihhnawh thil avanga zu kawl leh in phalna ‘Red Card’ permit dil duh chuan a dil theih a. Commissionerate of Excise & Narcotics, Khatla, Aizawl, Opposite Aijal Club-ah leh District hrang hranga Excise & Narcotics office-ah dilna form lak theih a ni.
Dilna form man hi Rs. 50 a ni a. Red card hi a diltu hnena pek a nih chuan, kum khat a nung ang. Red Card fee hi kum khat atan Rs. 5,000 a ni ang.