Bollywood top list a ni a, a luck thawkhat ang tih a rin theih mai a, sum pawh a ngah ngei ang. Nupui thlengin a hmu thei hle chu a ni ber e. Aamir Khan chuan a tum thum nan July 5 hian nupui a nei leh dawn.
Aamir Khan hian kum hnih chuang zet a lo kawp tawh Gauri Spratt chu July 5 hian a nupui pathumna ni turin a nei dawn a, sawm bik mi tlemte hmaah inneihna hi an kalpui dawn nia sawi a ni.
Aamir leh Gauri te hi kum 2024 kum tir lam khan an inngaizawng tan a, Bengaluru-a a cousin Nuzhat Khan kaltlanga inhria niin, Aamir Khan hian a kum 60-na birthday lawmnaah pawh official takin kalkhawmte hnenah a lo hmelhriattir tawh bawk.
Aamir Khan hi kum 1986 khan a nupui hmasa ber Reena Dutta nen inneiin, fa pahnih – Ira Khan leh Junaid Khan an nei a, kum 2001 khan an inthen. Hemi hnu hian Kiran Rao nen innei lehin, kum 2005 atanga kum 2021 thleng an innei a, fapa pakhat Azad an nei bawk. A nupui tur Gauri pawh hi pasal then tawh leh fa pakhat, kum sarih mi Quinn-a a nu a ni bawk a ni.
Aamir hian kum 2025 a kum 60-na a lawm tum khan Gauri hi kalkhawmte hmaah inhmelhriattirin, an pahnih phei hi chuan kum 25 dawn lai an lo inhmelhriat tawh thu a sawi.
Inneih inkhawm hi mipui hmuh theiha lawmna siam tum a ni lo nia tarlan niin, Aamir Khan chenna in lamah sawmbikte nen chauha hun hman tum a nih thu phai lam media te chuan an tarlang a, report thenkhat chuan Salman Khan leh Shah Rukh Khan te chuan an kal tur an tichiang tawh niin an tarlang.