Florentino Pérez chuan an ze pangngaia Real Madrid an let leh theih nan coach tha an mamawh mai a ni tiin a tang a. José Mourinho chu chumi dinhmun luah thei tur chu a ni tih sawiin an club chanchina hun pawimawh tak dang thlen turin team-te chu an tha tawk hle tih a sawi.
Real Madrid hian a zawnin season hnih chhung no mawi lian tham an la tawh lo va, coach pathum – Carlo Ancelotti, Xabi Alonso leh Álvaro Arbeloa te chuan he squad atang hian a tha ber an phawrh chhuak zo lo a ni.
Pérez-a hian tun thla tirah khan inthlan a huaihawt a, kum 2006 hnua club president inthlan an neih leh hmasak berah hian a khingpui tur, Enrique Riquelme a hmachhawn mek a ni.
“Kylian Mbappé, Vinícius Júnior, Jude Bellingham, Arda Güler, Federico Valverde, Aurélien Tchouameni te hi khawvela tha ber berte an ni a. Coach tha tak chuan heng player zawng zawngte nen hian Real Madrid chanchinah hun pawimawh tak dang an thlenpui dawn a ni,” a ti.
Kum 2010 leh 2013 inkara Bernabéu-a mawhphurhna lo la tawh thin, Mourinho chungchang an zawh chuan Pérez chuan, “Coach tha tak a ni, a chiang reng,” tiin a sawi belh.
Portuguese coach hi Benfica atangin kum thum chhung atan an la fel tawh nghe nghe.