Aizawl: Central YMA chuan kumin HSLC & HSSLC Exam-a Mizo Top 10-a langte chawimawina hun a buatsaih.
Central YMA Vice President Prof. Lalnuntluanga kaihhruai inkhawmah Central YMA President R. Lalngheta chuan zirlaite chu mahni tan mai ni lova ram leh hnam rilru pua lehkha zir turin a chah.
YMA hi changkansan chi a nih loh thu leh Mizo hnam tana ding a nih avangin ngaihhlut zel a tul tih sawiin ruihhlo a fihlim zel turin a chah bawk.
Dr. Lalhruaitluanga, Asst. Secy., CYMA Education Sub-Committee leh Assistant Professor, GZRSC leh David R. Lalsawmtluanga, Proprietor, Liando Auto Works ten thu an sawi bawk.
Zirlai lawmpuina pek te hi HSLC ah mi 18, HSSLC ( Arts, Science, Commerce)-ah mi pakua hlan an ni.