Aizawl: Central YMA hruaitute leh damdawi dawr neitute, Mizoram Chemist & Drugust Association (MCDA) chu Ningani khan inkawmin dak ina khuh damdawi chah luh tam chungchang an sawi ho.
Tuikhuahtlanga Central YMA pisa-a an inkawmna hi Central YMA President R. Lalngheta’n a kaihruai a. An inkawmhonaah hian tun hnaiah thalaiten ruihnana an hman khuh damdawi chi hrang hrang, Dak In kal tlangin dawr neitu thenkhatten thahnem tak, tum eng emaw zat an chah lut thin tih sawi chhuah a ni a. Hemi chungchangah hian MCDA leh Central YMA te chuan theihtawp chhuaha enzui zel nise an ti a, ruihhlo do kawnga thawhho zel dan tur pawh an rel a ni.