Vawk natna African Swine Fever (ASF) hi a reh mai lo niin a lang a, vawiin thlengin vawk vulhtu tam takin harsatna an la tawk reng.
Thenkhatte hi chu finfiah ni lem lo mahse ASF ni ngeia ngaih theih a la ni a, vawk vulha eizawng tam tak an mangang a, harsatna an la tawk reng bawk.
ASF avanga kan vawk vulh thih tam tawh zia hi ngaihtuah ila, harsatna kan tawh chhung a rei tawh zia ngaihtuah chuan a tih rem emaw, a enkawl dan kawngah erawh hma ka la sawn mawh khawp mai.
Hri leng hi vawi leh khata tawn thut a ni tawh lo a, a khat tawkin kan vawk vulhten harsatna an tawk a, nat lawk awm lovin an la thi thut thut reng a, a enkawl leh inven dan tur hi ngaihtuah a ngai tawh hle a ni.
ASF kan hmelhriat tanna hi a rei tawh a, kum a vei leh nual tawh bawk. Vawk vulhtu tam takin an eizawnna an bansan leh chhiat phah thak tawhna a nih avangin ngaihtuah zuiah i nei tawh teh ang u.
Vawiin thlengin he hri leng ni ngeia ngaih avang hian vawk an la thi a, sorkar lam hian enkawl dan tur leh inven dan tur hi min ngaihtuahpui rang se la, zangnadawmna thlengin pekchhuah dan ngaihtuah mawlh teh se. Chuti a nih loh chuan kan ram hi vawk vulhna tlak lovah kan chhuah thuai palh ang e.