Aizawl: Mizo tlangval Captain Lalrinawma Sailo chuan Thawhtanni khan Rashtrapati Bhavan-ah President Droupadi Murmu hnen atangin Kirti Chakra award a dawng.
April 22, 2025-a Jammu & Kashmir-a Pahalgam khuaah hel pawlin khualzinte leh a khaw mipuite nunrawng taka an beihna chhan letna Operation Sindoor hnuaia Pahalgam beitu hel pawl zinga mi pathumte chu Lalrinawma Sailo hian a kap hlum a. Hei vang hian Kirti Chakra chawimawina hi hlan a ni.
Kirti Chakra hi India rama remna leh huaisenna sang tak lantirtute hnena pek thin chawimawina niin, he chawimawina dawngtu Captain Lalrinawma Sailo hi Mizo zinga dawng thei pahnihna a ni. Kum 1968 khan, Subedar Chalhnuna Lushai chuan a lo dawng tawh a ni.
Union Home Minister Amit Shah pawhin Parliament-ah ‘India ram tana phuba la tu ropui a ni’ tiin a fak a, Chief Minister Lalduhoma leh Home Minister K. Sapdanga te pawhin Captain Lalrinawma Sailo hi an chhuan thu an sawi bawk.