Ruihhloin nasa takin min run a, vawiin thlengin kan la buai a, chhungkaw tam tak an kehchhia a, thalai a hun lova nunna chan an tam ta hle bawk.
Ruihhlo hi tih tur a awm reng a nih chuan a supply tu, khawih che veltu an awm tihna a ni a, heng mite hi nawr tawm a, hual chep an va hun tawh em.
Sumdawnna azawnga tawp ber leh innghaisakna nasa ber pawl ni hial tawh ruihhlo hmanga sumdawnna hi mitin hian kan vei a hun a, kohhran leh sorkar a tan a, thapui thawh a hun viau tawh bawk.
Tun hnaiah Enforcement Directorate (ED) lam chuan Mizoram, Tripura leh West Bengal-ah ruihhlo kaihhnawih nia an hriat in thenkhat an dap a, anni meuh chetna chu finfiahna an nei tha tawk hle ang tih a rin theih bawk.
Ruihhlo hmanga sumdawnna hi a lian a, a phenah hian mi langsar leh khawsa thei tak tak an tel lovang tih pawh a sawi theih tawh loh a, kan mi rin loh deuh deuhte hi inhnamhnawih thei reng an ni tawh.
ED te hian tu tute emaw rekchhuah se la, an mi rehchhuahte hmangin midang kangkai zel se la, he dan lova ruihhlo tawlhna, huatawm tak si hi a kaikuang chhuichhuakin, chak leh na zawkin i do zel ang u.