Zaithiam Adele leh a kawppui Rich Paul te inhmangaihna a la tluang zel a, tunhnai khan Craig Melvin podcast-a inlanin, hemi tum hian an nu chu zaithiam a tih thu a sawichhuak.
Kum 45 mi Paul chuan, kan inchhungah chuan ani aia zaithiam hi an awm lo, a hla zawng zawng hi kan chhungkua chuan kan kurpui thei vek, a ti.
Kan inngaihzawn hma chuan Adele hlate hi ka ngaithla ngai lo a, a music hi ka duhzawng a ni ngai lo. Amah duhtu ka ni pawhin ka inhre ngai lo, a ti zui bawk.
Mak tak maiin ka nunah a rawn lut a, nghet takin kan inpawm a, kan chengdun a, thil hrang hrang kan tidun a, hriat ngai loh leh ngainat zawng ni lo pawh amah (Adele) avang hian ka ngainatin, ka hriat phah a, nasa taka min siam danglamtu a ni, a ti.
An pahnih hian kum 2021 khan mipui hmaah ualau taka inlanin, an inzui ngheh thu tihchian a ni a; Oprah Winfrey hnenah hemi kum vek November thla hian Adele chuan a kawppui Paul a duhna hrang hrang a lo sawichhuak ve tawh bawk a ni.