Kum 2024 khan a tum hnih nan a kawppui Ben Affleck nen an inthen leh a, a fate pahnih nen in hrang changin an khawsa ho mek.
Kum 56 mi Lopez chuan mahnia inngaihtuah melh melh chang a ngah thin hle tih sawiin, June 15 khan SmartLess Monday podcast-ah a inlana, a rilru hrang hrang a phawrchhuak nasa hle.
Lopez chuan tunah chuan ka hlim a, ka fate pahnih nen hian in nuam takah, tuma chimbuai lohin kan awm a, kan ran ngainat em em sakawr kan vulh a, kan chuang a, tudang mah kan ngai rih lo, a ti.
Kan nun a hlim a, kan sakawr vulhte hian kan tawngkam engkimah danglamna min thlen tawh a, a chhan chu ka fate nena min phuarkhawmtu a nih vang a ni, a ti bawk.
A pasal hlui Marc Anthony nena an fate Emme leh Max te chuan engtikah emaw chuan an la kalsan ngei a rin thu sawiin, hringnun hi rei lote hlimna mai a nih thin thu a sawi bawk a, tuna hlim tluk a awm lo e, a ti.
A kawppui hlui Affleck nena an inzui leh hnua an inthen leh mai chhan pawh sawichhuakin, tour ka nei a, ani chuan ina awma, hahdam turin min duh a, keiin ka thei mai bik rih si lo, kan thu a inhmu lo laklawh chho ta a ni, a ti bawk.