Atletico Madrid coach Diego Simeone chuan Barcelona-in Argentina forward Julián Álvarez lak luh an chak hle chung pawhin an team chu Álvarez-a hual vela din chhoh zel a la tum thu a sawi.
Barcelona President Joan Laporta chuan kar liam taah khan Álvarez dawrna an siam tawh thu a sawi a. Álvarez hian kumin nipuiah hian Atletico chhuahsan a duh thu May thlaah khan a lo sawi tawh a ni.
Simeone chuan Atlético hma lam hunah Álvarez chu a la tel tlat tih a sawi nawn a, an striker chu a la pawimawh thu a sawi.
“Club leh team angin kan kalphung tiphuisui tura kan thlir chu amah hi a ni. Hetiang thil hi a lo awm tirh atanga kan lo kalpui tawh a ni a, kan thlirna pawh a la danglam chuang lo,” tiin Simeone chuan a sawi.
Simeone-a thusawi hi thla hmasaa Álvarez-a thuchhuah nen chuan a inkalh hle a, kumin nipui lai hian ama tan leh Atletico tan pawh kal hran chu a that ber tur thu a lo sawi tawh a ni.
“A hma lam hun chu Cape Verde nena an inkhelh tur hi a ni rih. A tih theih tha ber chu chu inkhelah chuan rilru pek a ni a, buaina leh rinhlelhna siam thei thil lo chhuak reng reng hi ngaihtuah rih loh a tha ber a. Player tha chungchuang a nih zia hi a chiang tial tial a ni,” tiin Simeone chuan a sawi.