Aizawl: Thawhtanni tuk khan Ashok Leyland LP Truck chu Khawbung atanga Tuipui lei thlen hmaa chesualin a khalhtu a thi.
Truck hi F Lalrempuia Teak huanah zing dar 5:00 velah kawng thlang lei nem rap pialin a chesual a, a khalhtu, Lalzova (Zopuia) kum 33, Champhai Kanan Venga awm chu a hmunah a thi nghal a ni.
Zopuia hian chuanpui nei lovin culvert bul kawng kualah kawng thlang lei nêm dai pialin kawrah a tla thla a ni.
Chhiat tawhna hmunah hian Dungtlang Police-ten chhinchhiah tur pawimawhte tifelin a ruang hi Khawbungah doctor an awm loh avangin Champhaiah phurh nghal a ni.
Zopuia hi a nupui fanaute nen Champhai Kanan Vengah an khawsa mek a. Nimin vek khan an chenna veng thlanmualah a vui nghal a ni ang.