Aizawl: Mizoram chuan Scholarship 2025-2026 sem tur sum an dawng tawh a, Nilaini hma hian sem hman beisei a ni.
Nilaini khan MSU hruaitute chuan Mizoram Scholarship Board Under Secretary Joseph L.Hauhnar hmuin scholarship sem hun tur chungchang hi an zawt fiah.
Scholarship Board under secretary chuan Scholarship 2025-2026 sem tur chu sorkar laipui atangin mother sanction Rs nuai 40,775 chu June 23, 2026 khan an dawn tawh thu a sawi a. Mizoram sorkara tihfel ngaite tihfel thawkhat tawh a nih tawh thu leh July 15, 2026 (Nilaini) ral hmaa sem tan hman an inbeisei thu a sawi.
MSU chuan Mizo zirlai Scholarship dil zawng zawngte chu bank account leh Aadhar te a in thlunzawm felfai em tih lo endik turin an chah a. Zirlaiten scholarship an dawn zat tur pawh mahni zirna ina a buaipuitu (nodal officer)-te hnenah zawtin lo ngaihven vek turin an hriattir a, scholarship an dilna account-te lo khawih chea lo tinung tha vek turin zirlaite an chah bawk.