July 8 khan lemchanthiam Demi Moore leh a fanu Tallulah Willis te chu Paris Fashion Week-ah inlan dunin, thlir rawn an hlawh hle.
Kum 63 mi ni tawh mahse Moore hi a la nalh hle a, thlalatute tin rawn a hlawh hle. Tin, a fanu kum 32 mi Tallulah nen hian unau ni mai awma mawi an ni a, an incheina zawng zawng nen mit la bik an la ni.
Demi Moore hian a pasal hlui Bruce Willis lak atangin fanu hlir pathum a nei a, Rumer,37, Scout,34 leh Tallulah,32 te hi niin, a fate nen hian unau nimai awm vek niin, a taksa mawina a la chuai lo hle.
Tun hnai chhoah Moore hi festival hrang hrangah inlan chho lehin, lawm a hlawh thar hle a, Cannes Film Festival-ah inlanin, Milan Fashion Week-ah a tel bawk a. Paris Fashion Week-a a fanu nen an rawn inlan leh tak avang hian amah duhtu thahnem takin an ngainatna a zual hle a ni.