Chief Minister Lalduhawma chuan VC-te tan Aizawla VC Hostel/Guest House sakna tur tihsak a tiam.
All Mizoram Village Council Association (AMVCA) hruaitute chuan Ningani khan Chief Minister Lalduhoma hmuin Aizawlah VC Hostel/Guest House sakna tur a hnena an lo thlen tawh chu a hmun tur an neih tawh thu an thlen a, chief minister hian a sakna tur tihsak a tum thu a sawi.
VC Hostel/Guest House Hemi atana thil tul pawimawh apiang chu department pawhin chak taka hma lo la turin a ti bawk.
AMVCA hruaitute chuan VC lawmman tihpun vat a nih theih nan theihtawp chhuahpui turin chief minister an ngen nghal bawk.
Hei bakah hian Mizoram Finance Commission (MFC) Grants kum eng emaw zat budget allocation-a tel thin, a taka hman ni tawh ngai lo chu a nihna tur ang taka hman a nih theih nana hmalakpui turin an ngen a, hman a nih chuan 16th Finance Commission Grants hnuaiah State Performance grants kum kal zel turah a tam zawk an dawn theih dawn thu an thlen a ni.
Hei bakah hian AMVCA hruaitute chuan thil tul hrang hrang chief minister hi an sawipui a, AMVCA in an mamawh an thlente a lo tih hlawhtlin sak zel thin avangin lawmthu an sawi bawk a ni.
AMVCA hruaitute hi RD&AD Minister Prof. Lalnilawma’n a tawiawm a, engkima an mamawh lo buaipui thintu a nih avangin minister hi lawmthu an hrilh bawk.