Aizawl: Serchhip Police chuan Thawhtanni khan kum 2025 leh kumin chhunga ruihhlo chi hrang hrang an man, tih ral (dispose) theih tawhte chu an station kawtah an hal ral.
Serchhip District Drugs Disposal Committee Chairman Gavit Gogna, IPS hovin, ruihhlo hal ralna hun hi hman a ni a, Rs. 70,70,000 man hu heroin gram 220 leh crystal methamphetamine gram 89 te hal ral a ni.
Ruihhlo hal ral takte hi case hrang hrang pasarih atanga mante an ni a. He hunah hian Addl. SP H. Lalduata, SDPO Lalrinzuali leh TC Lalropuia, Asst. Commissioner, Excise & Narcotics Department Serchhip te an tel.