Aizawl: Aizawl DC Pisapui Hall-ah Thawhtanni khan Er. Lalhriatpuia, Deputy Commissioner & Chairman, Aizawl District Disaster Management Authority (ADDMA) kaihhruaina hnuaiah Aizawl khawpui huam chhunga lung tlak avanga thihna leh harsatna thleng thei laka mipuite an him theih dan tur ngaihtuahin an thukhawm.
Meeting-ah hian Aizawl khawpuia lung tlak hlauhawmna hmun: Ngaizel phei, Bawngkawn-Durtlang Road, Chanmari – Chaltlang Road, Chanmari- Ramhlun road a hmalak dan tur te ruahmanna siam a ni a. Tuna Ngaizel lung tlak mekna pawh a chhak lung tlak hlauhawm la awmte scaling hmanga then faia a theih ang a draping (tuam) lailawk tura ruahmanna siam a ni.
CEO, ADDMA bakah sorkar department pawimawh hrang hrang – DM&R, PWD, Geology & Mining Department, Traffic, BRTF, Zonal Officer te leh Local Council aiawhte bakah State Technical Assessment Team for National Landslide Risk mitigation Program (NLRMP) aiawhte meeting-ah hian an tel a ni.