FIFA world cup hmawr bawk a hnai zel a, Pathianni zanah Spain leh Argentina te chuan final an khel dawn. Final match khelh hma hian closing function hmuhnawm tak neih tum a ni a, heta tel tur zingah hian zaithiam Post Malone pawh a tel dawn tih chian a ni.
Kum 31 mi zaithiam, rapper ni bawk chuan a phur tawh thu leh mak a tih hial zawk thu sawiin, khawvel hmuha a tha thei ang bera inlan a tum thu a sawi.
Ni 39 chhunga khelh ni tawh, ram pathum inthlen tawn world cup 2026 kharna hi New Jersey-a MetLife Stadium-ah neih a ni dawn a, hun hman zawhah final match an khel chhunzawm ang.
World Cup final-ah hian a tumkhat nan halftime show a awm dawn bawk a, Shakira, Madonna, BTS, Justin Bieber leh Coldplay frontman Chris Martin te chu inlan tura tihchian tawh niin, minute 11 chhung awh tura ruahman a ni.
Closing function-ah hian Post Malone bakah kawng hrang hranga mi lar tak tak – Tom Cruise, Jennifer Hudson, Laura Pausini, Nicole Scherzinger, Robbie Williams leh IShowSpeed te chu inlan tura tihchian an ni tawh bawk.