Aizawl: State pahnihten thawhhona tha zawk an neih dan tur leh state assembly ve vea an kalphungte sawi dunin Mizoram Legislative Assembly Speaker Lalbiakzama leh Telengana State Legislative Assembly Speaker Gaddam Prasad Kumar te chu Nilaini khan Vidhan Sabha, Hyderabad, Telengana-ah an inkawm.
An inkawmnaah hian Lalbiakzama chuan Telengana ang state puitling leh lian zawk te atanga thurawn an mamawh fo thin te a sawi a. Mizoram leh Telangana chuan thawhhona tha zawk an neih theih a duh thu a sawi bawk.
G.Prasad Kumar pawhin Mizoram inrelbawldan chu fakin, Mizoramin remna leh muanna an neih ang hi Telangana state tan a awh thu Lalbiakzama chu a hrilh bawk a.
Lalbiakzama chuan Mizoram lo la tlawh ve turin Telengana State Legislative Assembly Speaker hi a sawm a ni.
Telengana hi Bicarmel sorkar an ni a. Legislature leh Council an nei a ni. MLA 119 leh MLC 40 an nei mek.
Hyderabad khawpuiah hian an state pumpui a mipui zaa 50 an khawsa a ni.