Aizawl: MPCC chuan Thawhtanni khan Congress Bhavan-a Golden Hall-ah ‘Political Session’ an nei a. He hunah hian MPCC General Secretary Rosiamngheta chuan thu sawiin, Mizo hnam leh Kristian sakhua humhim leh dinchhuahpui turin Congress party-te chu theihtawp chhuah zui zel turin a chah.
Rosiamngheta chuan politics chu tangka leh rangkachak zawnna mai a ni lo va, ram leh hnam damchhuahna atan taka hman a tul thu sawiin, BJP sorkarin Kristiante a nuai mek chungchangah central sorkar hmalakna te chu thahnemngai taka dodal a ngai a ni, a ti.
Hei bakah hian tuna FCRA Bill 2026 kalpui mek chungchangah Mizoram MP pahnih te chu na taka dodal a, he bill ti tlawlh zawnga vote pe ngei turin Zoram mipuite beisei a nih thu a sawi bawk.
Party hrang hrangte dinhmun sawi chhunzawmin Rosiamngheta chuan, ZPM leh MNF-te chu BJP a tlatlum zawk nih inchuhin Mizo Nationalism atang an pen chhuak ta tih sawiin, Congress chu party zawng zawnga lungrual ber leh philosophy nghet tak vawnga kalkhawm an nih thu a sawi a. Mizo Nationalism chu Congress-in an ken tlat zel a ngaih thu a sawi.
Political Session hi F. Sangkunga, President, Upa Wing, MPCC chuan a kaihruai a ni.