Aizawl: Chief Minister Lalduhoma hovin SASCI hmanga hnathawhte thlirletna neih a ni.
Thutkhawm hi Thawhlehni khan CM Conference Hall-ah neih a ni a, SASCI 2025-26 hmanga hnathawhte, Cyclone Remal 2024-25 Part I hnate leh SASCI Reformed base Incentives 2026-27 hnuaia hnathawhte enhona leh thlirletna hun an hmang a ni.
SASCI Project hrang hrang thawktu department 10-te chu a indawtin koh an ni a, an hnathawh tawh chin te sawitir niin hmabak la awmte sawipui an ni bawk.
Chief Minister hova thutkhawmah hian hun tiam chhunga Utilization Certificate an thehluh theih dan tur te, Expenditure Sanction la peih fel lohte rang zawka bawhzui dan tur leh SASCI Fund thar lo kal leh turte a rang lama an lo kal theih nana inbuatsaihnate sawiho a ni.
Chief Minister hi PWD Minister Vanlalhlana, CM Adviser TBC Lalvenchhunga, Commissioner & Secretary to CM Vanlaldina Fanai leh Finance official-ten an tawiawm a ni.