Aizawl: MZP President Dr. C. Lalremruata chuan ram leh hnamin chhan a ngaihna apiangah Zoram mipuiten ‘khawnge MZP?’ an tih thin thu a sawi.
He thu hi Ningania MZP buatsaiha I&PR Auditorium-ah, MZU-in Undergraduate result a tihchhuah a stream hrang hrang palia Gold Medalist-te leh Hnampual Zirlai Pawl hruaitute lawmpuina leh chawimawina hun an buatsaihah a sawi a ni.
Dr. C. Lalremruata chuan ram leh hnamin chhan a ngaihna apiangah Zoram mipui ten khawnge MZP an tih thin thu te a sawi a. Kum 90 zet hnam leh zirlaite tana MZP ke a penna kawngah tih dik tawk loh a awm a nih pawhin, ramri buai leh technical thil hrang hranga zirlaite harsatna thlenga an lo beih tawhnate leh hruaitu hluite thisen chhuah hiala lo pen chhuahna zahawm takte chu hre reng tura zirlaite fuihin, tih dik loh pakhat vanga sawisel ngawt thin chu tha a tih loh thu a sawi.