Kum 33 mi zaithiam Charlie xcx chuan a pasal George Daniel chu amah hrethiam a, hmangaihna a hriatthiam dan zawng zawnga hrethiam, dawm thiamtu a nih thu a sawi.
A album thar ber “I’m Afraid” tihah a pasal chungchang hla chu a kim thu sawiin, a tana ka pek let ve theih hlu ber pawl a ni, a ti.
A hming tak Charlotte Emma Aitchison chuan kar hmasa khan show pakhatah inlanin, George nen an inkar chu sawifiah thiam baka tha leh inzawmna nghet, hmangaihna lantirna dik tak nia a hriat thu sawiin, a album tharah pawh a puala hla a awm nual thu a sawi.
A pasal chuan engkimah a hrethiam a, music a zinkawngah harsatna a siam ngai lo a, chhungkua an dinna kawngah a kila lung tangkai ber a nih zel zawk thu a sawi bawk.
Charlie leh a pasal Daniel, kum 36 mite hi kum 2022 khan an inkawp tan tih vantlang hmaah an sawi a, November 2023 khan inhualna neiin, July 2025 khan an innei a ni.