Bawngkawn Local Council chuan thuchhuah siamin August ni 1 atang khan an veng huamchhungah hnamdang dawr neih an khap a, hnamdang nghah dawrte chu mizo ta ngei a nih chuan a neitu mizote awm tel turin an ti bawk.
Kan ramah zalen takin hnamdang a rawn sumdawng a, dawr hial neiin, kan mizo pui tam tak aiin an lo titlawm thei zel bawk nen, pan berah kan nei ta fo mai.
Amaherawhchu kan ngaihtuah chian ngai a awm. Heng hnamdangte hian kan nunhona leh khawtlang nunah engmah an thawh ve lo a, kohhranah lah engmah tangkaina an rawn nei ve lo bawk. Kan sum leh pai min ruhsak a, khawtuala pawisa leng tur zawng zawng hup betin, an ramah a thawn liam thla a, a tuartu chu keimahni tho kan ni tih hi kan hriat thar a ngai.
Bawngkawn khawtlang hmalakna hi a fakawm a, veng dang leh khaw dang pawh hian titheuh thei ila, hnamdang dawr kan huamchhunga awmte hi i ngaimawh thar teh ang u.
Holam te nia kan ngaih hi a holam lo a, kan ram leh hnam chhan nan leh kil hrang hranga ruihhlo do kawnga hmalakna chak zawk nante, kan hnam ziarang leh sakhua kan humhim nan thlengte pawh hian hnamdangin kan rama dawr an neih hi a him lo tih i hre thar mawlh bawk teh ang u.