Aizawl: Gauhati High Court, Aizawl Bench chuan July 31, 2026 (Zirtawpni) khan sericulture demonstrator hna ruak lak chungchanga writ petition chu rel felin Mizoram sorkarin he recruitment process leh appointment a lo pek tawh zawng zawng a tihtawp chu a pawmpui tak thu thutlukna a siam.
He hna lak chungchangah hian Mizoram Direct Recruitment (Conduct of Examination) Guidelines, 2018 bawhchhiatna a awm nia hriain Mizo Zirlai Pawl (MZP) General Headquarters chuan May 13, 2025 khan inquiry committee din turin sorkar a lo ngen tawh a. Inquiry committee-in a chhui hnuah examination hall-ah candidate eng emaw zatin mobile phone an keng lut a, luh dawnah endikna mumal a awm lo tih te hmuhchhuah a ni.
Inquiry report leh Law & Judicial Department thurawn angin, sorkar chuan recruitment process zawng zawng hi a lo cancel a. Candidate tling mi pali te chuan he tihtawpna hi high court-ah kalpuin khing mah se, Gauhati High Court chuan sorkar thutlukna siam chu a pawm ta zawk a ni.
MZP chuan Mizo thalaite inkarah inelna thianghlim leh langtlang a awm zel theihnan hma a lak chhunzawm zel thu a sawi.