Aizawl: Mizoram Govt. Adhoc Aided Middle School Teachers’ Association (MIGAMSTA) chuan sorkar laka an lungawi lohna an lantir chhunzawm zel.
MIGAMSTA member-te hian an lungawi lohna lantir nan badge dum hi an bel chhunzawm zel a; hei bakah hian sorkarin anmahni enkawlna tura dan a siam thar, ‘The Mizoram Education (General Maintenance of Lump-Sum Grants-in-aid for general maintenance of Private Schools) Rules, 2026’ copy chu an school tinah halin hun an hmang a ni.
He Rules copy halralna hunah hian khawtlang hruaitute leh Managing Board member-ten an telpui a, MIGAMSTA te Provincialised an nihna kawnga an harsatnate sorkarin a sutkiansak thuai an duh thu an sawi bawk.
MIGAMSTA hruaitute chuan an beisei anga sorkar atanga thu lawmawm an hmu lo a nih chuan, August 10 atanga 12, 2026 thleng hian Mass Casual Leave lak an tum thu an sawi a. Chuti chung pawha sorkar a la ngawi reng a nih chuan na zawka hmalak chhunzawm zel an tum thu an sawi bawk.