Lehkhabu ngaina, chhiar peih leh thil chik peih mi i nih chuan he lehkhabu lo chhuak tur hi lo hmaih hauh suh ang che.
Politics avanga ngaihdan inan loh leh, tan zawng nei i lo ni a nih pawhin he lehkhabu hi chu lo chhiar tho la, a ngaihnawm tih hian a fiah zo lo zawk hial mai thei, nia sawi a ni.
Congress hruaitu Sonia Gandhi chanchin ziahna ‘Belonging: A Journey of Love’ tih chu November ni 10 hian tlangzarh tura ruahman a ni a, internet lama lehkhabu chahna lamah ngaihven theih a ni.
He lehkhabu hi Alfred A Knopf publish niin, a bu chhungah hian Italy khawpui tenau tak pakhat atanga lo piangin India politics lailum a rawn luah dan chanchin tarlan niin, kum 1965 kuma Cambridge, England a zirlaia Rajiv-a nen an intawn chhoh dan thlengin a awm bawk.
Lehkhabu publish tu sawi dan chuan, Sonia-i’n pasal neia India ram a rawn luh dan leh, politics buai chho kara a pasal nu Indira leh a pasal Rajiv-a thih dan thlengin chipchiar taka tarlan a ni a, politics chawlhsan mai a duh chang a tam nia tarlan a ni bawk.
Kum 2004 a Congress kaihhruai sorkar piangah khan hruaitu ni chungin prime minister hna erawh midang kutah hlan a ni thung a, politics boruak ngaihnawm tak tak a awm bawk, niin lehkhabu buatsaihtu chuan a sawi.
‘Belonging: A Journey of Love’ hi pre-order hmanga chah lawk theiha dah a ni tawh a, a ngaihnawm hle tura rin a ni. Aizawla lehkhabu zuartute hnen atang pawhin chah theih thuai a nih beisei a ni bawk.